Rumaos
Ciptaan : Nano S.
Laras : Pelog
Rumaos sering asa-asa
Isin kagok ngahalangan rasa
Hariwang ngambang henteu daya
Ucap nutup nahan kedal tresna
Rumaos sering huleng jentul
Nimbang-nimbang pilakueun kedal
Longkewang aringgis ku bisi
Boa-boa asih samar tepi
Kalah anteng na lamunan
Nyawang geugeut patembongan
Ngumbar tresna nu duaan
Kareueut ku kaendahan
Nyipta leumpang babarengan
Ligar asih karembangan
Imut manis pangharepan
Kasmaran na lelembutan
Rumaos sering niis peuting
Nandang asih abot sakalintang
Ngadago surti sugan ngarti
Nandang sepi katalimbeng diri
Rumaos sering nyawang bulan
Nyipta tepung lawung paguneman
Geterna galindeng harepan
Nyanding asih tresna nu duaan
KALANGKANG
KALANGKANG
Pencipta : Nano S.
Laras : Pelog
Mungguhing dina impenan
Geuning sakitu deudeuhna
Kanyaah nu wening bersih
Satia jadi kakasih
Mungguhing dina impenan
Geuning sakitu leahna
Pamenteu marahmay manis
Teu isin ka ambung damis
Rambut panjang, nu ngarumbay
Disangkeh panangan nyampay
Lalaunan, raray tanggah
Rangkulan karaos pageuh
Luhur pasir tepung teuteup
Perlambang asih rumaket
Kabagjaan nu duaan
Nu duaan
Hanjakal hanjakal teuing
Endah ngan ukur kalangkang
Harepan harepan diri
Sing nyanding jeung kanyataan
